Serenata kierkegaardiana de mala muerte

Celébrense estos díes en Xixón les xornaes Vagamar 2011, más conocíes baxo’l nome de la entidá que les organiza, L’Arribada. Na so inauguración oficial, la presidenta de l’Academia de la Llingua Asturiana, doña Ana Cano, fixo, si hai que creyer a la prensa (yo nun taba), les siguientes declaraciones: “Una lliteratura, si nun tien llectores, val mui poco”.

La esperiencia tienme vuelto malpensáu. Quiero, nostante, pensar qu’Ana Cano quería dicir otra cosa mui diferente de lo que paez que dixo. Seique quería dicir que ye una pena que la lliteratura asturiana tenga tan pocos llectores y que ye una pena doble, tamién, porque ye una lliteratura que se manda d’una llingua minoritaria y minorizada. Que quería facer un llamamientu a normalizar dafechu l’idioma y con ello una lliteratura non por minoritaria menos interesante.

Como eso ye lo que quiero pensar, voi pensalo. Anque nun dexo de da-y vueltes al sofisma: “Una lliteratura, si nun tien llectores, val mui poco”. Cómo presta contar col apoyu de les instituciones. Garro El País. Abro peles páxines culturales de Babelia. Sorpréndeme un estensu artículu dedicáu a “escritores españoles que merecen tener más lectores”. Fíxome na llista d’aspirantes a blockbuster: la mayoría d’ellos publiquen en Tusquets, Anagrama, Seix Barral y Mondadori. Nun entiendo nada. O entiéndolo too pero tarrezo entendelo.

Un valor instrumental (utilidá) o un valor mercantil (rentabilidá). Aut-Aut. O namás out.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s