Kunduz

[Publiqué esti testu en Les Noticies en 2009. Cambiando un númberu, y añediendo la mención de Médicos Sin Fronteres, podía tar escritu d’ayeri mesmo. Pero seis años son munchos años pa que determinaes coses sigan esactamente igual.]

Si mañana mesmo morrieren sesenta persones por culpa d’un ataque militar contra la población civil de Candás, a naide diba estraña-y que’l sucesu despertara toles condenes imaxinables, sanciones contra l’atacante, xestiones énte los organismos internacionales y un sinfín de titulares comprensiblemente severos. Complicaríase l’asuntu si los responsables de la masacre obedecieren a una invitación del gobiernu español, y ye poco creyible que los candasinos aceptaren les tibies disculpes del país ocupante cola escusa de que l’ataque diba dirixíu contra terroristes antigubernamentales. En poques pallabres: diba armase la de coyer.

La selmana pasada ocurrió esactamente eso, sólo que nun foi en Candás, foi en Kunduz, una población afgana que tovía va tener que pidir perdón por reaccionar d’un xeitu tan ingratu (morriendo) a la protección de les fuerces invitaes pol señor de la guerra que fai de gobernante. Amás, como paez que la ocupación estranxera nun tien nada que ver col “accidente”, el gobiernu español anuncia que va unviar más tropes. Los analistes de los “think tanks” occidentales nun s’espliquen cómo ye qu’esi país nun acaba d’aceptar la paz y la democracia (son los mesmos que tampoco nun s’espliquen lo d’Irak, sólo que d’Irak yá sólo falen cola boca pequeña y baxo amenaza de querella criminal). La solución, paecen dicir, tratándose d’un país tan misteriosu onde la xente nun quier ver uniformes estranxeros patrullando les cais (tolo contrario que n’Alemania o n’España), va ser dexar pa prau el “think” y mandar más “tanks”. Será por “tanks”.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s