La verdad (no) (os) hará libres

Sobre medios, medias verdades y sombreros Panamá. En Diagonal, pinchando aquí.

Anuncios

L’arzobispu bailla’l tweet

Twitter ye un mediu que funciona a velocidaes de vértigu, pero tovía nun s’inventó un mediu de llocomoción lo suficientemente rápidu como pa que nun se suba a él una autoridá eclesiástica. L’arzobispu d’Uviéu tien la so cuenta en Twitter, y poco importa si ye él en persona’l que tuitea o si en cuenta d’ello tien a dalgún becariu que-y escribe perles como esta: “La educación diferenciada no es excluyente, ni la indiferenciada una panacea. Respondamos cuál es más adecuada a una edad evolutiva del niño”. Esi ye’l nivel, dacuando un poco más paulocoelhizáu de lo normal, pero hai de too. Nun va face-y sombra a Mongolia o a El Jueves, pero tien los sos momentos chanantes, hai que reconocelo.

Sicasí, igual que tolos grandes humoristes, l’arzobispu tien la so vena negra y perversa. Equí ye onde los grandes cómicos se la xueguen, porque’l sentíu del humor nun ye dalgo tan cenciello d’entender como la Santísima Trinidá. Lenny Bruce consiguió axuntar 8000 dólares faciéndose pasar por cura y nun llogró que-y rieren la gracia, o polo menos nun lo llogró de los incautos que-y donaron les perres pensando que yeren pa una lleprosería. Pamidea que l’arzobispu tampoco va tenelo fácil pa saca-y a naide una sorrisa col so tweet dedicáu a Santiago Carrillo: “Una vida inmisericorde se encuentra con Dios misericordioso. RIP Carrillo, y que intercedan por él los que por él fueron mártires de Cristo”.

Yo tamién tengo cuenta en Twitter. Úsola poco, porque tengo poco que dicir a eses velocidaes, pero, a la vista del exemplu arzobispal d’esti arzobispu exemplar, y anque nun ye’l mio propósitu faceme’l graciosu, pidiría humildemente a los mios siguidores que me aisllaren socialmente, como poco, si dalguna vez tengo tan poca gracia. Anque fuera por caridá cristiana. Hasta un atéu como yo diba entendelo.